کەمپی تازەدێ لە گەرمیان دادەخرێت

ئاڤا نیوز

 

بە بڕیارەی وەزارەتی کۆچ و کۆچبەرانی عێراق، کەمپی تازەدێ لە سنووری ئیدارەی گەرمیان داخرا و داخستنەکەش بەردەوام دەبێت تاوەکو کەیسی ئاوارەکان یەکلادەکرێتەوە. 

 

وێنە گەورەکە: حکومەتی عێراق بڕیاریداوە تاوەکو نێوەڕاستی ئەمساڵ، کەمپی ئەو ئاوارانەی لە هەرێمی کوردستان ماونەتەوە، دابخات و ئاوارەکانیش بگەڕێنەوە بۆ ناوچەکانیان.

 

ڕاگەیێنراوی فەرمی: "دوای گەڕانەوەی کۆتا کاروانی ئاوارەکان بۆ ناوچەکانیان لە پارێزگای دیالە و سەلاحەدین، کەمپی تازەدێ لە سنووری ئیدارەی گەرمیان بە تەواوی داخرا". وەزارەتی کۆچ و کۆچبەرانی عێراق ڕایگەیاندووە. 

 

زانیاریی زیاتر: لەگەڵ گەڕانەوەیان بۆ ناوچەکانیان، ئاوارەکان بڕی چوار ملیۆن دیناریان وەک هاوکاری دارایی پێدراوە.

 

باكگراوند: لە هەرێمی كوردستان 24 كەمپی ئاوارە هەن و حکومەتی عێراق بڕیاری داوە تاوەکو 30 تەممووزی ئەمساڵ، سەرجەمیان دابخات.