ئەگەر ترەمپ ببێتەوە سەرۆک شازادە هاری دیپۆرت دەکرێتەوە

ئاڤا نیوز

 

شازادە هاری کوڕی شا چارڵزی سێیەمی بەریتانیا لە ئەمریکا دەژی و ئەگەر دۆناڵد ترەمپ، سەرۆکی پێشووی ئەمریکا ببێتەوە سەرۆکی وڵاتەکە، ڕەنگە دیپۆرت بکرێتەوە.

 

وێنە گەورەکە: شازادە هاری، لە کاتی وەرگرتنی ڤیزای ئەو وڵاتە گوتوویەتی ئاڵوودەی ماددە هۆشبەر نییە، ئەگەر هاتوو دەرکەوێت ئەو قسەیەی ڕاست نییە و ئاڵوودەی ماددەی هۆشبەرە، ترەمپیش بوویەوە بە سەرۆک، ڕێگە نادات هاری لە ئەمریکا بمێنێتەوە.

 

لێدوانی فەرمی: لە ئەگەری ئاڵوودەبوونی هاری بە ماددەی هۆشبەرەوە، ترەمپ گوتی: "ڕێوشوێنی گونجاو لە بەرامبەری دەگرینەبەر". لە پرسیاری ئەوەی ئەوە بە مانای دیپۆرتکردنەوەی دێت، ترەمپ وەڵامی نەدایەوە.

 

پێدراوە ڕاستەکان: شازادە هاری باسی لەوە کردووە پێشتر لە کتێبی "سپێر"دا کە لە 10-1-2020 بڵاوکرایەوە، هەندێک ماددەی هۆشبەری بەکارهێناوە.