تورکیا پێشوازی لە بڕیارێکی عێراق لەبارەی پەکەکە دەکات

ئاڤا نیوز

 

عێراق بە بڕیارێک دژی پەکەکە تورکیای دڵخۆشی کردووە و لەسەر ئاستی باڵای ئەو وڵایە، پێشوازی لەو بڕیارە کراوە.

 

چی ڕوویدا؟ حکومەتی عێراق پارتی کرێکارانی کوردستان (پەکەکە)ـی وەک ڕێکخراوێکی قەدەغەکراو ناساند، ئەمەش بەرپرسانی باڵای تورکیای خۆشحاڵ کردووە و ئەم هەنگاوەی بەغدا بە هەنگاوێکی واقیعی ناو دەبەن. 

 

لێدوانی فەرمی: یەشار گولەر، وەزیری بەرگریی تورکیا ڕایگەیاند: “لەمەودوا پێکەوە لەگەڵ عێراق کار دەکەین، ناوەندێکی ئۆپەراسیۆنی هاوبەش دادەمەزرێنین چونکە تیرۆر گەورەترین بەڵایە تورکیا بەدەستییەوە دەناڵێنێت”.

 

قووڵتر: بەرپرسانی تورکیا پڕۆژەی ڕێگەی گەشەپێدان بە گرنگترین پرۆژەی داهاتووی تورکیا ناو دەبەن؛ کۆمپانیا تورکییەکان کار لەو پرۆژەیەدا دەکەن و لەو ڕێگەیەوە هەموو ئەو کاڵایانەی لە چینەوە دێن، دەگوازرێنەوە بۆ ئەوروپا. 

 

زانیاریی زیاتر: پڕۆژەی ڕێگەی گەشەپێدان، لە عێراق لە بەندەری فاوەوە دەستپێدەکات و درێژ دەبێتەوە بۆ تورکیا و بەندەرەکانی ئەو وڵاتە، درێژییەکەی 1,200 کیلۆمەترە و لە چوار ڕێگەی خێرا، چوار هێڵی شەمەندەفەر و هەشت ڕێگەی ئاسایی پێکدێت.