بۆ پرسی ئاگربەست لە غەززە وەزیری دەرەوەی ئەمریكا دەچێتە قاهیرە

ئاڤا نیوز

 

بڕیارە وەزیری دەرەوەی ئەمریكا سەردانی قاهیرە بكات و لەگەڵ بەرپرسانی باڵای ئەو وڵاتە كۆببێتەوە و پرسی ئاگربەست لە غەززە تاوتوێ بکەن.

 

وێنە گەورەكە: دوو ڕۆژە ئەنتۆنی بلینكن وەزیری دەرەوەی ئەمریكا بە سەردانێك لە ڕۆژهەڵاتی نێوەڕاستە، سەرەتا چووە سعودیە و لەبارەی غەززەوە قسەی لەگەڵ بەرپرسانی ئەو وڵاتە كرد، ئەمڕۆش لە قاهیرە چاوی بە بەرپرسان دەكەوێت و پرسی سەرەكیی سەردانەكەش، ئاگربەستی غەززە دەبێت.

 

ئەوەی پێویستە بیزانیت: ئەمە شەشەمین سەردانی ئەنتۆنی بلینكنە بۆ ڕۆژهەڵاتی نێوەڕاست بۆ قسەكردن لەسەر ئاگربەست و گەیاندنی هاوكاری مرۆیی بۆ كەرتەكە، بەڵام تاوەکو ئێستا هیچ دەرئەنجامێكی نەبووە.

 

بۆچی گرنگە؟ بلینكن سەرەڕای ئەوەی چاوی بە بەرپرسانی میسر دەكەوێت، پێدەچێت هەردوو شاندی ئیساائیل و حەماسیش ببینێت كە بۆ گفتوگۆكردن و دانوستانەكان لە قاهیرە یەكتر دەبینن.