پێنج فەرمانبەر بەتۆمەتی دزینی کەرەستەی پڕۆژەیەک دەستگیرکران

ئاڤا نیوز

دەستەی دەستپاکی عێراق، دەستگیرکردنی پێنج کارمەندی بەڕێوبەرایەتی دابەشکردنی کارەبای پارێزگای دیالەی ڕاگەیاند، بەهۆی دزینی کێبڵ و وایەری پڕۆژەیەک.

ڕاگەیێنراوی فەرمی: دەستەی دەستپاکی عێراق، لە ڕاگەیێنراوێکدا ئاشکرایان کردووە، تیمی بەشی لێکۆڵینەوە و کۆنتڕۆڵ لە فەرمانگەی لێکۆڵینەوەی دیالە توانییان بە هەماهەنگی لەگەڵ پۆلیسی کارەبا، پێنج ئەندازیار و کرێکار لە بەڕێوەبەرایەتی دابەشکردنی کارەبای دیالە دەستگیربکەن، بەهۆی دزینی کێبڵ و دەیان کەرەستەی کارەبایی و ساغکردنەوەیان لە بازاڕدا.

ئەوەی پێویستە بیزانیت: کەرەستەکان بریتیبوون لە "کێبڵی گەورە، وایەر، ستوونی کارەبا و چەندین کەرەستەی دیکەی کارەبایی"؛ بەڵام لە میانی ئۆپەراسیۆنەکەدا تیمەکە توانیویەتی دەستبەسەر ئەو کەرەستانەدا بگرن، کە تۆمەتبارەکان بەنیازبوون لە بازاڕە ناوخۆییەکاندا بیفرۆشن.