تێکەڵەی شیر و هەنگوین سوودێکی زۆری بۆ جەستە هەیە

ئاڤا نیوز

شارەزایانی تەندروستی، دەڵێن خواردنی شیر و هەنگوین، حەوت سوودی سەرسورهێنەری بۆ مرۆڤ هەیە. 

وێنە گەورەکە: شیر سەرچاوەیەکی دەوڵەمەندە بە کالسیۆم، کە  ئێسک لە پووکانەوە دەپارێزێت و چالاکیی جەستە زیاد دەكات. لە بەرامبەریشدا هەنگوین دەرمانێکی سرووشتییە کە لە کۆنەوە بۆ چارەسەری چەندین نەخۆشی بەکارهاتووە و دێت. هەندێك ڕاپۆرت باس لەوە دەكەن كە تێکەڵکردنی ئەم دوو مادە خۆراكییە، حەوت سوودی گرنگی هەیە بۆ تەندروستی مرۆڤ.

زانیاریی زیاتر:  حەوت سوودەكانی خواردنی شیر و هەنگوین پێكەوە، ئەمانەن:

٠ بەرزكردنەوەی کوالێتی خەو: هەنگوین هاندەری دەردانی هۆرمۆنی میلاتۆنینە کە خەو ڕێك دەخات. كە پێش خەوتن بە شیرەوە دەخورێت، پێكەوە دەبنە هێورکەرەوەیەکی سروشتی.

٠ بەهێزکردنی بەرگری لەش: شارەزایان دەڵێن هەنگوین تایبەتمەندیی دژە بەکتریا و دژە ئۆکسانی تێدایە. كە لەگەڵ شیر دەخورێت، سیستەمی بەرگریی لەش و بەرەنگاربوونەوەی هەوکردن زیاد دەكات.

٠ باشترکردنی هەرس: هەنگوین مادەیەکی سروشتی شلکەرەوە و ئارامکەرەوەیە بۆ گەدە، كە لەگەڵ شیر دەخورێت، پێكەوە دەبنە تێکەڵەیەکی کاریگەر بۆ ڕێگری لە نەخۆشییەکانی ڕێخۆڵە.

٠ سەرچاوەیەکی بەهێزی وزەیە: شەکری سروشتیی هەنگوین و پڕۆتینی شیر، یارمەتی بەرزکردنەوەی ئاستی وزە و ڕێکخستنی ئاستی شەکری خوێن دەدەن.

٠ باشترکردنی تەندروستی پێست: ماددە خۆراکییەکانی شیر و هەنگوین، پێست درەوشاوە و ڕوون و ناسك دەكەن.

٠ دژە کۆکە و هەڵامەت: هەنگوین بە هۆی تایبەتمەندیی دژە بەکتریاییەوە، چەندین سەدەیە وەک چارەسەری کۆکە بەکاردێت، تێکەڵکردنیشی لەگەڵ شیر کاریگەرییەکەی زیاتر دەبێت.