مایکرۆسۆفت لە ڕێگەی زیرەکی دەستکردەوە دێتە ناو بواری پزیشکییەوە

ئاڤا نیوز

 

ڕۆژ بە ڕۆژ کۆمپانیا گەورەکانی بواری تەکنەلۆژیا هەنگاو دەنێن بۆ ئەوەی فراوانکارییەکانیان لە زیرەکی دەستکرد زیاتر بکەن، کۆمپانیای مایکرۆسۆفت دەیەوێت لە ڕێگەی پەرەپێدان بە زیرەکییەکی دەستکرد بێتە ناو بواری پزیشکییەوە. 

 

وێنە گەورەکە: کۆمپانیای مایکرۆسۆفت یەکێکە لە گەورەترین کۆمپانیاکانی بواری تەکنەلۆژیا و لەلایەن بیڵ گەیتسەوە دامەزرێنراوە و کاری سەرەکی دروستکردنی سیستمی کارپێکردنی کۆمپیتەرە و زنجیرەکەی بە ناوی ویندۆز تۆمار کردووە، ئێستا ئەو کۆمپانیایە چەندین بەرهەمی جیاوازتر پێشکەش دەکات و دەوێت بێتە ناو بواری پەرەپێدان بە زیرەکی دەستکرد. 

 

زانیاریی زیاتر:  کۆمپانیاکە دەیەوێت بە هاوبەشی لەگەڵ گۆگڵ و  OpenAI  و  Gemini و  Claude و چەند زیرەکییەکی دەستکردی دیکە هاوبەشییەکی فراوان گرێبدات تاوەکو کار لەسەر ئەوە بکەن جۆرێک لە زیرەکی دەستکرد پەرەپێبدەن کە توانای دەستنیشانکردنی نەخۆشییەکانی چوار هێندەی مرۆڤ زیاتر بێت، ئەوەش بە ئامانجی ئەوەیە تێچووی دەستنیشانکردنی نەخۆشییەکان و وردی لە دۆزینەوەی نەخۆشی بۆ باڵاترین ئاست بەرزبکەنەوە. 

 

ئەمەش بزانە: ئێستا زیرەکی دەستکردی مایکرۆسۆفت لە چەندین بواردا هاوکاری پزیشکان دەکات بۆ شیکردنەوەی داتاکان و کۆکردنەوەی کۆ زانیارییەکان لەسەر نەخۆشییە دەستنیشانکراوەکان، بەڵام کۆمپانیاکە دەیەوێت پەرەی زیاتر بەو بوارە بدات و هەنگاوی گەورەتر بنێت. 

 

شێوازی کارکردنی چۆنە؟: ئەم کۆمپانیایە داتا پزیشکییەکان و توێژینەوە باوەڕپێکراوەکان کە لە گۆڤارە باوەڕ پێکراوەکان بڵاودەکرێنەوە، وەریان دەگرێت و دووبارە ڕێکخستنەوە و تۆمارکردنیان بۆ دەکات دواتر لە دەستنیشانکردنی نەخۆشی بەکاریان دەهێنێتەوە، بەمەش ڕێژەی وردی دیارکردنی نەخۆشییەکان چەند هێندەی تیمە پزیشکییەکانە و لە هەندێک کاتدا دەگاتە سەرووی %70، تاوەکو ئێستا کۆمپانیاکە باسی لە شێوازی بڵاوکردنەوەی ئەم بەرهەمە تازەیەی نەکردووە.