10 پارێزگای عێراق پلەی گەرمییان لە نیوەی پلەی کوڵان نزیک دەبێتەوە

ئاڤا نیوز

 

سبەی شەممە لە 11 پارێزگای باشووری عێراق، پلەکانی گەرما دەگەنە نیوەی پلەی کوڵان، دەستەی کەشناسیی عێراقیش هۆشداریی شەپۆلێکی گەرمای تووند دەدات.

ڕاگەیێنراوی فەرمی: دەستەی کەشناسیی عێراق ئەمڕۆ هەینی 11-7-2025 ڕایگەیاند: لەسبەی شەممەوە  شەپۆلێکی گەرما ڕوو لە عێراق دەکات و لە پارێزگاکانی سەڵاحەددین ،دیالە ،بەغدا ،بابل ،نەجەف ،کەربەلا ، دیوانیە و موسەننا دەگاتە 48  پلەی سیلیزی، پارێزگاکانی واست، مەیسان، ناسرییە 49 پلەی سیلیزی تێدەپەڕێنن و لەبەسرەش دەگاتە زیاتر لە 50 پلەی سیلیزی.

زانیاریی زیاتر:  بەگوێرەی ڕاگەیێنراوی دەستەکە، پێشبینی دەکرێت پلەکانی گەرما لە ڕۆژانی هەفتەی داهاتوو زیاتر بەرزببێتەوە و کاریگەریی شەپۆلە گەرمەکە زیاتر ببێت.