10 لە گەرمترین شارەکانی جیهان لە عێراقە

ئاڤا نیوز

ماڵپەڕێکی جیهانی تایبەت بە کەشوهەوا ناوی 15 گەرمترین شارەکانی جیهان ئاشکرا دەکات کە 10 شاریان لە عێراقە.

بڵاوکراوەی فەرمی: بەپێی ڕاپۆرتێکی ماڵپەڕی "ئیلدادۆر" کە تایبەتە بە کەشوهەوا، لە ماوەی 24 کاتژمێری ڕابردوودا لە کۆی 15 گەرمترین شاری جیهان 10ـیان لە عێراق بوون و بەسرەش گەرمترین شاری جیهان بووە کە پلەی گەرمی گەیشتووەتە 49.3 پلەی سیلیزی.

ئەوەی پێویستە بیزانیت: شارەکانی ناسرییە، عەممارە و خانەقین پلەکانی سێیەم و چوارەم و پێنجەمیان گرتووە. هەروەها نەجەف، بەدرە، کوت، کەربەلا و ڕوفاعی پلەکانی دیکەی گەرمترین شارەکانی جیهانیان گرتووە.

لەلایەکی دیکەوە: بەهۆی بەرزبوونەوەی پلەکانی گەرما لە هەرێمی کوردستان داوا لە هاووڵاتییان دەکرێت بۆ کاری زۆر پێویست نەبێت لە کاتژمێر 10 بەیانی تاوەکو 4 پاش نیوەڕۆ لە ماڵەکانیان نەیەنە دەرەوە.