تیمێکی تەکنیکی وەزارەتی دارایی عێراق سەردانی هەولێر دەکات

ئاڤا نیوز

لە ڕۆژانی داهاتوودا تیمێکی تەکنیکی وەزارەتی دارایی عێراق بۆ وردبنینیکردن لە خەرجی و داهاتەکانی حکومەتی هەرێمی کوردستان سەردانی هەولێر دەکەن.

وێنە گەورەکە: سێ مانگ جارێک شاندێکی تەکنیکی وەزارەتی دارایی عێراق سەردانی هەولێر دەکەن کە پێکێدێت لە نوێنەری هەرسێ بەڕێوەبەرایەتییەکانی گشتیی بودجە، ژمێرکاری و دیوانی چاودێری دارایی لەگەڵ وەزارەتی دارایی و ئابووریی کوردستان پێداچوونەوە بە تەراوزووی پێداچوونەوە - میزان موراجەعە دەکەن، واتا پێداچوونەوە دەکەن بە خەرجی و داهاتەکانی سەرجەم وەزارەت و فەرمانگەکانی حکومەت.

زانیاریی تایبەت: سەرچاوەیەک لە وەزارەتی دارایی و ئابووریی هەرێمی کوردستان بە ئاڤای گوت، ڕاپۆرتی تەرازووی پێداچوونەوەی سێ مانگی ڕابردوو، مانگەکانی چوار و پێنج و شەش ئامادەیە.

- لە ماوەی 10 ڕۆژی داهاتوودا شاندەکەی عێراق دێن و وردبینی بۆ ڕاپۆرتەکە دەکەن.

ئەوەی پێویستە بیزانیت: هاتنی لیژنەکە لەکاتێکدایە کە 72 ڕۆژە حکومەتی عێراق مووچەی بۆ مووچەخۆرانی هەرێمی کوردستان نەناردووە، بەڵام حکومەتی کوردستان بەردەوامە لە جێبەجێکردنی پابەندییەکانی خۆی، ئێستاش خەریکی ئامادەکردنی لیستی مووچەی مانگی حەوتە و تاوەکو هەفتەی داهاتوو تەواو دەبێت و ئەویش بۆ بەغدا دەنێردرێت.

 

وەزارەتی دارایی عێراق وردبینی لە داهات و خەرجییەکانی حکومەتی هەرێمی کوردستان دەکات