کۆچ و کۆچبەرانی عێراق: نزیکەی دوو هەزار خێزان لە کەمپی هۆڵ گەڕێنراونەتەوە

ئاڤا نیوز

 

حکومەتی عێراق گەڕاندنەوە زۆرەملێی ئاوارەکان ڕەتدەکاتەوە و  تاوەکو ئێستاش نزیکەی دوو هەزار خێزانیش لە کەمپی هۆڵ گەڕێندراونەتەوە.

 

چیرۆکی سەرەکی: کەمپی هۆڵ هەزاران ژن و منداڵی چەکدارانی داعشی تێدایە و پێشتریش لە عێراق ناڕازایەتی ئەوە هەبوو کە گەڕاندنەوەی ئەو ئاوارانە، دەبێتە هۆی دووبارە گەڕاندنەوەی مەترسییەکانی داعش.

 

لێدوانی فەرمی: ئیڤان فایەق، وەزیری کۆچ و کۆچبەرانی عێراق لە چاوپێکەوتنێکی تەلەفزیۆنیدا ڕایگەیاند: "بەهۆی هێرشەکانی داعشەوە 900,000 خێزانی عێراق ئاوارەبوون، حکومەت گەڕاندنەوە زۆرەملێی ئاوارەکانیش ڕەتدەکاتەوە".

 

زانیاریی زیاتر: گەڕانەوەی ئەو خێزانە عێراقیانەی کە لە کەمپی هۆڵ نیشتەجێن، لەڕێگەی هەوڵی هاوبەشی حکومەت و لەڕێگەی لیژنەی ئەمنییەوە ئەنجام دەدرێت؛ تاوەکو ئێستا نزیکەی دوو هەزار خێزان بۆ عێراق گەڕێندراونەتەوە و دەزگا ئەمنییەکانیش بە بەردەوامی بەدواداچوون بۆ ئەو کەسانە دەکەن کە لە کەمپەکە گەڕاونەتەوە.

 

ژمارەکان وادەڵێن: لەماوەی ڕابردوودا و تاوەکو ئێستا 55 کەمپ لە عێراق داخراون، ئێستاش 23 کەمپی ئاوارەکان لە هەێمی کوردستاندا ماون.