كەشناسی: پلەكانی گەرما دوو پلە بەرز دەبنەوە

ئاڤا نیوز

بەڕێوەبەرایەتیی كەشناسی و بوومەلەرزەزانیی هەرێمی كوردستان ئاشكرای دەكات كە سبەی هەینی  پلەكانی گەرما بەراورد بە ئەمڕۆ دوو پلە بەرز دەبنەوە.

ڕاگەیێنراوی فەرمی: كەشناسیی هەرێمی كوردستان ڕایگەیاند: ئەمڕۆ ئاسمانی هەرێمی كوردستان ساماڵ دەبێت لەگەڵ هەندێك پەڵەهەور، پلەكانی گەرما وەك دوێنێ دەبن، بەڵام سبەی پێشبینی دەكرێت پلەكانی گەرما دوو پلە بەرز ببنەوە بەراورد بە ئەمڕۆ،

لێدوانی فەرمی: شێخ دارا، پێشكەشكاری كەشوهەوای ئاڤا میدیا ڕایگەیاند: گۆڕانكارییەكانی كەشوهەوا كاریگەریی كەمیان لەسەر هەرێمی كوردستان هەبووە، ئەمساڵ بەراورد بە ساڵی ڕابردوو پلەكانی گەرما نزمترن بە نزیكەی چوار پلە، ساڵی ڕابردوو وەك ئەمڕۆ پلەكانی گەرما لە سلێمانی 43 و 44 بوون، بەڵام ئەمڕۆ بەرزترین پلە لە سلێمانی 39 پلەیە بەڵام ئەگەری بارانبارین نییە.

پێشبینی دەكرێت لە ناوەڕاستی هەفتەی داهاتوو بەرزترین پلەی گەرمی لە هەرێمی كوردستان بگاتە 46 پلەی سیلیزی كە لە دەڤەری گەرمیان دەبێت.