سەباح سوبحی: ئەگەر زۆرە ئەمڕۆ ئەنجوومەنی وەزیران بڕیار بدات مووچە خەرج بکرێت

ئاڤا نیوز

ئەنجوومەنی وەزیرانی عێراق کۆبوونەوەیەکی نائاسایی بۆ پەسەندکردنی ڕێککەوتننامەی هەولێر و بەغدا دەکات، بە گوتەی ئەندامێکی لیژنەی نەوت و گاز، دوای پەسەندکردن ئەمڕۆ بڕیاری خەرجکردنی مووچە دەدرێت.

چیرۆکی سەرەکی: دوای پەسەندکردنی ڕەشنووسی ڕێککەوتنی نێوان هەولێر و بەغدا بە کۆی دەنگ، سەرۆکوەزیران مەسرور بارزانی ڕەشنووسی ڕێککەوتنەکەی واژۆ کرد و بە نووسراوی فەرمی ئاراستەی بەغدا کرا، ئەمڕۆش بڕیارە لە ئەنجوومەنی وەزیرانی عێراق پەسەند بکرێت.

لێدوانی فەرمی: د. سەباح سوبحی، ئەندامی لیژنەی نەوت و گاز لە پەرلەمانی عێراق بە ئاڤای گوت، "دوای پەسەندکردنی ڕێککەوتنامەکە لە ئەنجوومەنی وەزیرانی عێراق، وەزارەتی دارایی ئاگادار دەکرێتەوە ئامادەکاری بۆ خەرجکردنی مووچەی مووچەخۆرانی هەرێمی کوردستان بکات."

ئەمەش بزانە: بەگوێرەی زانیارییەکانی ئاڤا تا ئێستا دوو مووچە بە تەواوەتی یەکلایی کراوەتەوە کە دەبێت خەرج بکرێت، بەڵام دیار نییە هەردووکی بە یەکەوە دەنێردرێت یان دوابەدوای یەک دەنێردرێت.