پلەكانی گەرما زیاتر بەرزدەبنەوە

ئاڤا نیوز

به‌ڕێوه‌به‌رایه‌تیی گشتیی كه‌شناسی و بوومه‌له‌رزه‌زانی هه‌رێمی كوردستان ڕایدەگه‌یەنێت، ئه‌مڕۆ و سبه‌ی كه‌شوهه‌وای ناوچه‌كانی هه‌رێمی كوردستان ساماڵ ده‌بێت، پله‌كانی گه‌رماش بەراورد بە ڕۆژانی ڕابردوو، زیاتر بەرز دەبنەوە.

وێنە گەورەكە: شەپۆڵێكی گەرمای بەتین، عێراق و هەرێمی كوردستانی گرتووەتەوە، كە بەگوێرەی ڕاپۆرتێکی ماڵپەڕی "ئیلدادۆر"ـی تایبەت بە کەشوهەوا، ناوچە جیاوازەكانی عێراق وەك گەرمترین شوێنەكانی جیهان دەستنیشان كراون و پلەكانی گەرما لە شارەكانی باشووری عێراق گەیشتووەتە نیوەی پلەی كوڵان.

ئەوەی پێشبینی دەكرێت: شێخ دارا، پسپۆڕی كەشناسی و پێشكەشكاری كەشوهەوای ئاڤا میدیا ڕایگەیاند: گۆڕانكارییەكانی كەشوهەوا كاریگەریی كەمیان لەسەر هەرێمی كوردستان هەبووە بەراورد بە عێراق، لەگەڵ ئەوەشدا پێشبینی دەكرێت لە سەرەتای هەفتەی داهاتووەوە بەرزترین پلەی گەرمی لە هەرێمی كوردستان بگاتە 46 پلەی سیلیزی كە لە ئیدارەی گەرمیان دەبێت.

به‌رزترین پله‌ی گه‌رما بۆ سبه‌ی شه‌ممه‌ بەگوێرەی ڕاگەیێنراوی كەشناسیی هەرێم:

هەولێر :  43 پلەی سیلیزی  
سلێمانی : 42 پلەی سیلیزی
دهۆک :  42  پلەی سیلیزی
کەرکوک : 45 پلەی سیلیزی  
زاخۆ  :  43 پلەی سیلیزی
هەڵەبجە : 43 پلەی سیلیزی
سۆران :  41 پلەی سیلیزی
حاجی ئۆمەران : 32 پلەی سیلیزی
گەرمیان : 46  پلەی سیلیزی