كەشناسیی کوردستان: پلەكانی گەرما دوو پلە نزم دەبنەوە

ئاڤا نیوز

 

كەشناسیی هەرێمی كوردستان ئاشكرای دەكات كە ئەمڕۆ پلەكانی گەرما وەك دوێنێ دەبن و سبەیش دوو پلە نزم دەبنەوە.

 

بڵاوكراوەی فەرمی: بەڕێوەبەرایەتیی كەشناسی و بوومەلەرزەزانیی هەرێمی كوردستان ڕایگەیاند: ئەمڕۆ ئاسمان ساماڵ دەبێت و پلەكانی گەرماش وەك دوێنێ دەبن و سبەیش ئاسمان ساماڵ دەبێت لەگەڵ بوونى تۆزێکى کەم لە کەشدا، بەتایبەتى لە ناوچەکانى باشوورى هەرێمى کوردستان، بەڵام پلەكانی گەرما دوو پلە نزم دەبنەوە.

 

لێدوانی فەرمی: شێخ دارا، پێشكەشكاری كەشوهەوای ئاڤا میدیا ڕایگەیاند: گۆڕانكارییەكانی كەشوهەوا كاریگەریی كەمیان لەسەر هەرێمی كوردستان هەبووە، ئەمساڵ بەراورد بە ساڵی ڕابردوو پلەكانی گەرما نزمترن بە نزیكەی چوار پلە، ساڵی ڕابردوو وەك ئەمڕۆ پلەكانی گەرما لە سلێمانی 43 و 44 بوون، بەڵام ئەمڕۆ بەرزترین پلە لە سلێمانی 39 پلەیە بەڵام ئەگەری بارانبارین نییە.

 

- پێشبینی دەكرێت لە ناوەڕاستی ئەم هەفتەیە بەرزترین پلەی گەرمی لە هەرێمی كوردستان بگاتە 46 پلەی سیلیزی كە لە دەڤەری گەرمیان دەبێت.

 

ئەوەی پێویستە بیزانیت: بەپێی ڕاگەیێنراوی كەشناسی، ئەمڕۆ بەرزترین پلەی گەرما لە گەرمیان دەبێت و دەگاتە 44 پلەی سیلیزی، نزمترین پلەش لە حاجی ئۆمەران دەبێت كە 30 پلەی سیلیزییە.