ئامێری پشکنینی MRI دەبێتە هۆی گیان لەدەستدانی پیاوێکی ئەمریکی

ئاڤا نیوز

پیاوێکی بە ڕەگەز ئەمریکی بەبێ ئاگادار و ڕەزامەندی پزیشکی دەچێتە ژووری ئامێری  MRI و دواتر بەهۆی برینداربوونییەوە گیان لەدەست دەدات. 

چیرۆکی سەرەکی: پیاوێکی تەمەن 61 ساڵ لە ویلایەتی نیویۆرکی ئەمریکا، بەبێ مۆڵەت و بەبێ ئاگاداری پزیشکانی ئەو نەخۆشخانەیە یاخود بێ ئەوەی پێویستی بە پشکنین هەبێت، دەچێتە ژووری ئەنجامدانی پشکنینی MRI  دواتر گیان لەدەست دەدات.

بڵاوکراوەی فەرمی: میدیاکانی ئەمریکا بڵاویانکردووەتەوە، لە سەنتەری پشکنینی تایبەتی ' ناساو ئۆپن'، کەسێک بەبێ مۆڵەتی چوونەژوورەوە چووەتە ناو ژووری نەخۆشخانەیەک کە ئامێری MRI تێدابووە، بەهۆی ئەوەی ملوانکەیەکی کانزای لە ملدابووە، ئامێرەکە بەهۆی بەهێزی بوارە موگناتیسییەکەی ئەو کەسی ڕاکێشاوە بۆ ناو ئامێرەکە دواتر بەهۆی سەختی برینداربوونییەوە گیانی لەدەستداوە. 

لەلایەکی دیکەوە: بەڕێوبەرایەتیی تەندروستیی و دەرمانی ئەمریکا هۆشداریی دەدات بە هاووڵاتییان لە بەکارهێنانی ئامێرەکانی MRI و ڕایدەگەیەنێت، لە بارودۆخی ئاسایشدا ناتوانرێت بواری موگناتیسی ئامێرە ناچالاک بکرێت و دەتوانێت بەهێزێکی زۆرەوە تەنە کانزاییەکان ڕابکێشێت.