"لەنێو چوارچێوەی هەماهەنگی گفتوگۆ لەبارەی هەڵبژاردنی پێشوەختە نەکراوە"

ئاڤا نیوز

 

لەنێو چوارچێوەی هەماهەنگی گفتوگۆ لەبارەی هەڵبژاردنی پێشوەختە نەکراوە و ئەندامێکی ڕەوتی حیکمە پێیوایە هەڵبژاردنی پێشوەختە کاریگەری لەسەر سەقامگیریی سیاسی، ئەمنی و پڕۆژە خزمەتگوزارییەکان دەبێت.

 

لێدوانی فەرمی: ڕەحیم عەبودی، ئەندامی ڕەوتی حیکمە ڕایگەیاند: "سەرکەوتنەکانی سوودانی باوەڕی بە زۆرینەی لایەنە سیاسیەکان هێناوە بۆ خولێکی دیکە ببێتەوە بە سەرۆکوەزیران، تەنیا چەند لایەنێکی کەم لەنێو چوارچێوەی هەماهەنگی نەبێت".

 

زانیاریی زیاتر: هەندێک لایەنی سیاسی بە پێکهێنانی هاوپەیمانیی سیاسی لەلایەن سوودانیەوە بۆ بەشداریکردن لە هەڵبژاردنەکانی داهاتووی پەرلەمانی عێراق دڵخۆش نین و ئەوەش هەندێکیانی نیگەران کردووە، لەبەر ئەوەی لە هەڵبژاردنەکاندا دەبێتە ڕکابەرییان.