شاندی تەکنیکی کوردستان کۆبوونەوەکانیان لە بەغدا دەستپێدەکەن

ئاڤا نیوز

شاندێکی تەکنیکی وەزارەتی دارایی هەرێمی کوردستان لە بەغدان، لەگەڵ هاوتاکانیان کۆدەبنەوە و گفتوگۆ دەکەن لەسەر کۆی پرسە داراییەکان و میکانزمی ئامادەکردنی تەرازووی پێداچوونەوە.

وێنە گەورەکە: دوای لێکتێگەیشتنی نوێی نێوان هەولێر و بەغدا ڕەنگە میکانیزمی نوێ سەبارەت بە ئامادەکردنی تەرازووی پێداچوونەوە جێبەجێ بکرێت، لەپاڵ ئەوەشدا شاندە تەکنیکییەکان گفتوگۆ لەسەر پرسە داراییەکانی دیکە دەکەن.

لێدوانی فەرمی: سەرچاوەیەک لە وەزارەتی دارایی و ئابووریی هەرێمی کوردستان بە ئاڤای گوت، شاندێکی وەزارەتی دارایی هەرێمی کوردستان لە دوێنێ شەوەوە لە بەغدان، بڕیارە ئەمڕۆ لەگەڵ هاوتاکانیان کۆببنەوە و گفتوگۆ لەسەر خەرجی و داهات و مووچەی مانگەکانی شەش و حەوت بکەن.

بەگوتەی ئەو سەرچاوەیە ئەگەر زۆرە نەوت لە تەرازووی پێداچوونەوە جیابکرێتەوە و بە فایلێکی تایبەت مانگانە ڕادەستی دارایی عێراق بکرێت.