چەند نیشانەیەکی جەڵتەی دڵ کە لەسەر پێست دەردەکەون

ئاڤا نیو

جەڵتەی دڵ یەکێکە لەو نەخۆشییە مەترسیدارانەی زۆرجار ئەگەر بەخێرایی دەستنیشان و چارەسەر نەکرێت دەبێتە هۆی مردنی تووشبووەکە.

وێنە گەورەکە: جەڵتەی دڵ لە ئەنجامی گیرانی یەکێک لەو خوێنبەرانە ڕوودەدات کە خوێن بۆ دڵ دەگوازنەوە، بەپێی ڕاپۆرتێکی نێودەوڵەتیش ساڵانە 500 ملیۆن کەس لە سەرتاسەری جیهان تووشی جەڵتەی دڵ دەبن.

ئەوەی پێویستە بیزانیت: هەندێک نیشانە کە لەسەر پێست دەردەکەون ڕەنگە ئاماژەبن بۆ تووشبوون بە جەڵتەی دڵ، دیارترینیان ئەمانەن:

ئاوسان

لە ئەنجامی پاڵنەنانی خوێن لە دڵەوە بۆ لەش بەشێوەیەکی کارا و بە هۆی کۆبوونەوەی ئاو لەنێو شانەکاندا، جەستە تووشی ئاوسان و ئەستووربوون دەبێت.

ئارەقکردنەوە

ئارەقکردنەوەی زۆر نیشانەیەکە بۆ خراپیی تەندروستی دڵ، ڕەنگە ئاگادارکەرەوەیەکی مەترسیدار بێت بۆ بوونی کێشەیەک لە دڵدا بەتایبەتی جەڵتە یان سستیی دڵ.

گۆڕانی ڕەنگی کۆتایی پەنجەکان

حاڵەتی شینبوونەوەی پەنجەکان نیشانەیەکی باوی خراپیی تەندروستی دڵە کە کار دەکاتە سەر سووڕی خوێن و ئاستی ئۆکسجین.

زەردهەڵگەڕانی پێست

دەرکەوتنی پێست بە ڕەنگی کاڵ یان خۆڵەمێشی ڕەنگە نیشانەیەکی مەترسیدار بێت، چونکە کەمبوونەوەی ڕۆیشتنی خوێن بۆ دڵ و دابەزینی ئاستی ئۆکسجین دەردەخات کە ڕەنگە ئاماژە بێت بۆ بوونی کێشەیەک لە دڵدا.

شینبوونەوەی شێوە تۆڕی 

ئەم حاڵەتە وەک شێوەی تۆڕێکی شین یان وەنەوشەیی لەسەر پێست دەردەکەوێت، زۆرجار لەسەر قۆڵەکان یان قاچەکان دەردەکەوێت و ڕەنگە نیشانەیەک بێت بۆ گیرانی خوێنبەرە بچووکەکان بە هۆی نیشتنی کۆلیسترۆڵەوە.