ڕافیدەین ڕێنمایی گرنگ بۆ کردنەوەی هەژماری بانکی دەردەکات

ئاڤا نیوز

بانکی ڕافیدەین لە نوێترین بڕیاریدا بۆ سەرجەم لقەکانی، چەند مەرجێک لادەبات بۆ ئەوەی هاووڵاتییان بەشێوەیەکی ئاسان بتوانن هەژماری بانکی بکەنەوە. 

چیرۆکی سەرەکی: بەپێی ڕێنماییەکە، بانکی ڕافیدەین داوای لە لقەکانی کردووە، ڕێکارەکانی کردنەوەی هەژماری بانکی ئاسان بکەنەوە و هەموو ئەو داواکارییە ڕۆتینانەی وەک کەفیل ومەرجی نیشتەجێبوون و چەندین ڕێکاری دیکە کە دەبنە ڕێگر لە کردنەوەی هەژماری بانکی بۆ هاووڵاتییان هەڵبوەشێننەوە.

ڕاگەیێندراوی فەرمی: نووسینگەی ڕاگەیاندنی بانکی ڕافیدەین لە بەیاننامەیەکدا ڕایگەیاند: ئاسانکردنی ڕێکارەکان هەنگاوێکە بۆ فراوانکردنی بنکەی مامەڵەکاران لەگەڵ کەرتی بانکیدا.

زانیاریی زیاتر: لەبەیاننامەکەدا بانکی ڕافیدەین،  داوای لە هاووڵاتییان کردووە بۆ وەرگرتنی زانیاری لەسەر شێواز و ڕێکارەکانی کردنەوەی هەژماری بانکی، پەیوەندی بە ژمارە 5788ـەوە بکەن.