مووچەی مامۆستایانی گرێبەست دابەش دەکرێت

ئاڤا نیوز

بڕیارە ئەم هەفتەیە مووچەی مامۆستایانی گرێبەستی سەر بە وەزارەتەکانی پەروەردە و خوێندنی باڵا دابەش بکرێت.

وێنە گەورەکە: بەبڕیاری سەرۆکوەزیران مەسرور بارزانی، مامۆستایان و فەرمانبەرانی وانەبێژی سەر بە وەزارەتی خوێندنی باڵا و وەزارەتی پەروەردە لەسەر داهاتی ناوخۆ کران بە گرێبەست، دوای دابەشکردنی مووچەی مامۆستایانی هەمیشەی مووچەی ئەوانیش دابەش دەکرێت کە ژمارەیان 42 هەزار مامۆستای گرێبەست دەبێت.

لێدوانی فەرمی: کارۆخ عەبدوڵڵا، نوێنەری مامۆستایانی گرێبەست بە ئاڤا میدیای ڕاگەیاند، وەزارەتی دارایی و ئابووری پێی ڕاگەیاندین، کە لەگەڵ میلاک ناتوانن مووچەی گرێبەستەکان خەرج بکەن، بەڵکو ڕۆژی سێشەممە مووچەی مامۆستایانی گرێبەست دابەش دەکرێت.

زانیاریی زیاتر: زیاتر لە 42 هەزار مامۆستای گرێبەست هەن، کە 37 هەزار و 939 مامۆستایان سەر بە وەزارەتی پەروەردەیە، هاوکات چوار هەزار و 100 مامۆستا سەر بە وەزارەتی خوێندنی باڵان.

ئەوەی پێویستە بیزانیت: خەرجی مووچەی مامۆستایانی گرێبەست زیاتر لە 24 ملیار دینارە و لەسەر داهاتی ناوخۆیە.