ئازاری کلێنجە و چۆنیەتی خۆپاراستن لێی

ئاڤا نیوز

ئازاری کلێنجە یاخود کۆتا بڕبڕەی پشت یەکێکە لەو ئازارانەی کە خەڵکی لە ئێستادا بە شێوەیەکی بەرچاو بە دەستییەوە دەناڵێن و پزیشکان چۆنییەتی خۆپاراستن لێی ئاشکرا دەکەن.

چیرۆکی سەرەکی: ئازاری کڵێنجە نەخۆشیەکی بەرفراوانە لە نێو خەڵکدا و دەکەوێتە بەشی خوارەوەی بڕبڕەی پشت، زیاتر ئەو کەسانە پێوەی دەناڵێنن کە بەتەمەن داچوون.

ئەوەی پێویستە بیزانیت: مرۆڤ تووشی ئازاری کلێنجە دەبێت بەهۆی کەوتن لەسەر پشت یان دانیشتن لەسەر ڕووتەختی ڕەق بۆماوەیەکی زۆر یان به هۆی ئاوسان و پێکانی نزیک پشت کە دەبێتە هۆی سەختی جووڵانەوە لەکاتی هەڵسان و دانیشتن.

چارەسەرەکان: پزیشکان باس لەوە دەکەن کە دەکرێت بەپێی کات نەخۆشییەکە بە ئاسانی چارەسەر بکرێت، بەڵام بۆ چارەسەر چەند ڕێنماییەکی تەندروستی بڵاو دەکەنەوە کە ئەمانەن:

٠ بەکارهێنانی پێخەفی نەرم یان دانیشتن لەسەر تەختی نەرم.

٠ ئەنجامدانی راهێنان و چارەسەری سروشتی.

٠ دانانی دێمکەی سارد یان گەرم لەسەر شوینی ئازارەکە.

٠ بەکار هێنانی ئازار شکێنەکان.