ئاڤا هۆکاری دابەشنەکردنی مووچەی مانگی پێنجی گرێبەستانی خوێندنی باڵا ئاشکرا دەکات

ئاڤا نیوز

دوای ڕاگەیاندنی لیستی مووچەی مانگی پێنجی فەرمانبەرانی هەمیشەیی لە هەرێمی کوردستان، وەزارەتی دارایی و ئابووریی مووچەی مامۆستایانی گرێبەستی وەزارەتی پەروەدەی دابەشکرد، بەڵام تاوەکو ئێستا مووچەی مامۆستایانی گرێبەستی وەزارەتی خوێندنی باڵا دابەشنەکراوە.

لێدوانی فەرمی: دکتۆر توانا نەجەف، بەڕێوەبەری گشتیی فەرمانگەی کارگێری و دارایی لە وەزارەتی خوێندنی باڵا و توێژینەوەی زانستی، بە ئاڤا میدیای ڕاگەیاند: لە ژمێرکاری وەزارەتی دارایی داوای زانیاریی لەبارەی مووچەی مامۆستایانی گرێبەستیان لێکردووین، ئێمەش تەواوی زانیارییەکانمان پێداون، بۆ دابەشکردنی مووچەش بڕی یەک ملیار و 560 میلۆن دینارمان پێویستە.

زانیاریی زیاتر: سەرەتا نزیکەی چوار هەزار مامۆستای گرێبەست لە وەزارەتی خوێندنی باڵا تۆمار کرابوون، بەڵام دوای پێداچوونەوە بەهۆی ئەوەی کەم و کورتی هەبووە لە دۆسییەکانیان، ئێستا نزیکەی سێ هەزار مامۆستای گرێبەست بە دیارکراوی هەن. 

ئەمەش بزانە: دوای تەواوبوونی ڕێکارە کارگێڕییەکان پێشبینی دەکرێت لەماوەیەکی نزیکدا مووچەی ئەو فەرمانبەرانە دەبە بکرێت، چونکە پێویستی بە ڕەزامەندی وەزارەتی دارایی و ئابووری هەرێمی کوردستان تاوەکو لە داهاتی ناوخۆ مووچەیان بۆ خەرج بکات.