عەللاوی: لە پرۆسەی سیاسی نەکشاومەتەوە

ئاڤا نیوز

 

ئەیاد عەللاوی، سەرۆکی بزووتنەوەی ویفاقی نیشتمانی دەڵێت، نەک هەر لە پرۆسەی سیاسی نەکشاومەتەوە، بەڵکو بەرپرسیارێتی ئەوە لەئەستۆ دەگرم کە پێی گەیشتووم.

 

لەلایەکی دیکەوە: ڕاپۆرتێکی ئەمریکی جەختی لەسەر زیادبوونی تواناکانی داعش لە عێراق و سووریا کردووەتەوە؛ عەلاویش پێیوایە ئەمریکا داعش وەکو کارتێکی گوشار دژی عێراق بەکاردەهێنێت.

 

زانیاریی زیاتر: عەللاوی ئاماژەی بەوە کرد، پشتیوانی سوودانیم کرد تاوەکو گەیشتە پۆستی سەرۆکوەزیران، دواتر دەنگی نەما، هەرچەند پێموایە سوودانی سەرکەوتوو نابێت، بەڵام لەوانی دیکە باشترە، پێشبینیش دەکەم لە پێکهێنانی هاوپەیمانیی سیاسی سەرکەوتوو نەبێت.

 

ئەوەش بزانە: عەللاوی لەبارەی کازمییەوە ڕایگەیاند، لە عەممان سەردانی کردم و سوپاسی کردم بۆ ئەوەی لە دژی نەوەستاوم؛ ئەو گەڕاوەتەوە نێو پرۆسەی سیاسی و گرەو لەسەر شکستی حکومەتەکەی سوودانی دەکات، پێشتریش ئەمریکا پشتگیری کرد بۆ وەرگرتنی پۆستی سەرۆکی دەزگەی هەواڵگیری عێراق.