ئۆکراینا دەستگیرکردنی دوو "سیخوڕی ڕووسیا"ی ڕاگەیاند

ئاڤا نیوز

 

ئۆکراینا دەستگیرکردنی دوو کەسی ڕاگەیاند، بەتۆمەتی ئەوەی ویستوویانە پێگەی سەربازیی گرنگ و هەستیاری سوپای ئۆکراینا بۆ ڕووسیا بنێرن، تاوەکو بۆردوومان بکرێت. 

 

ڕاگەیێنراوی فەرمی: دامەزراوەی ئاسایشیی ئۆکراینا (SBU) ڕایگەیاند "لە ئەنجامی ئۆپەراسیۆنێکی تایبەت، دوو کارمەندی دامەزراوەی ئاسایشیی ڕووسیا (FSB) لە کیێڤ و ئۆدیسا دەستگیر کران. تاوانبارەکان هەوڵیان دابوو شوێنی سەربازانی ئۆکراینی دەستنیشان بکەن و بینێرن بۆ داگیرکەرەکان تاوەکو هاوئاهەنگی بۆ ڕێکخستنی هێرشە ئاسمانییەکان بکەن".

 

زانیاریی زیاتر: لە دەستپێکی شەڕەوە، ئۆکراینا 6600 دۆسیەی تاوانکاری لە دژی ئەو کەسانە کردووەتەوە کە یارمەتیی سوپای ڕووسیایان داوە. 

 

باکگراوند: لە شوباتی 2022ـەوە شەڕی ڕووسیا و ئۆکراینا دەستیپێکردووە و تاوەکو ئێستا بەردەوامە.