هەزار دۆنم پوش و پاوان لە سنووری شارباژێر سووتا

 

بەڕێوەبەرایەتیی پۆلیسی دارستان و ژینگەی سلێمانی ڕایگەیاند، بەهۆی ئاگرکەوتنەوەکەی سنووری شارباژێڕەوە زیاتر لە هەزار دۆنم پوش و پاوان و داری سرووشتی سووتاون.

 

بڵاوکراوەی فەرمی: ڕۆژی 10-8-2025، بەڕێوەبەرایەتیی پۆلیسی دارستان و ژینگەی سلێمانی ڕایگەیاند: ئاگر لە سنووری گوندەکانی بێورێ، سێونگ، کانی شوان، پێرێسک، نورباب کەوتەوە، دوای هەوڵێکی زۆر لەلایەن تیمەکانی بەرگریی شارستانییەوە توانرا ئاگرەکە کۆنترۆڵ بکرێت.

 

زانیاریی زیاتر: بەهۆی ئاگرەکەوە زیاتر لە هەزار دۆنم پوش و پاوان و داری سرووشتی سووتاون.

 

ئەوەی پێویستە بیزانیت: تاوەکو ئێستا هۆکاری ئاگرکەوتنەوەکە دیار نییە، لێکۆڵینەوە لەوبارەیەوە دەستیپێکردووە.