ڕاوێژکارێکی سوودانی: مالیکی لە بیرۆکەی هەڵبژاردنی پێشوەختە پاشگەزبووەتەوە

ئاڤا نیوز

 

ڕاوێژکارێکی سوودانی ئاشکرای کردووە کە مالیکی زۆر گەرموگوڕ نییە لەسەر بەڕێوەچوونی هەڵبژاردنی پێشوەختە و لەو بیرۆکەیە پاشگەزبووەتەوە.

 

لێدوانی فەرمی: فادی شەممەری، ڕاویژکاری سیاسیی محەممەد شیاع سوودانی، سەرۆکوەزیرانی عێراق ڕایگەیاند: "قسەکردن لەسەر هەڵبژاردنی پێشوەختە نمایشێکی میدیاییە، چونکە لە کارنامەی حکومەتدا باسی ئەنجامدانی هەڵبژاردنی پێشوەختەی پەرلەمان نەکراوە".

 

ئەوەش بزانە: شەممەری پێیوایە ئەو هەموارەی پیشنیازکراوە بۆ یاسای هەڵبژاردن، بەئامانجکردنی سوودانییە، چونکە سوودانی لەنێو چوارچێوەی هەماهەنگی سەرکردەیە نەک کەسێکی چینی دووەم.

لەلایەکی دیکەوە: ئەو ڕاوێژکارە ئاماژەی بەوەشکرد، عەممار حەکیم لە سەردانەکەی بۆ وڵاتانی کەنداو هەستی بە ئاسوودەبوونی وڵاتانی عەرەبی بە حکومەتەکەی سوودانی کردووە.