شێخ دارا: پلەکانی گەرما دوو بۆ چوار پلە دابەزیون

ئاڤا نیوز

شەپۆلێکی خۆڵبارین ناوچەکانی خواروو و ناوەڕاستی عێراقی گرتووەتەوە و گەیشتووەتە ناوچەی گەرمیان، شێخ داراش مژدەی دابەزینی پلەکانی گەرما لە ناوچەکانی هەرێمی کوردستان دەدات.

لێدوانی فەرمی: شێخ دارا، پێشکەشکاری کەشوهەوا لە ئاڤا میدیا، ڕایگەیاند: پلەکانی گەرما دوو بۆ چوار پلە دابەزیون، ئەمەش بەهۆی کاریگەری شەپۆلی باکوور لەسەر ناوچەکانی هەرێمی کوردستان، گەرمترین ناوچە گەرمیانە کە 45 پلەیە و فێنکترین شوێنیش حاجی ئۆمەرانە کە 31 پلەیە."

زانیاریی زیاتر: بەگوتەی شێخ دارا، لە وەرزی هەڵاتنی گەلاوێژ نزیک دەبینەوە، ماوەی ڕۆژ و شەو گۆڕانکاری بەسەردا هاتووە و شەو شەش خولەک درێژ بووەتەوە و پلەکانی گەرما دابەزیون.