ئایا خواردنەوە گەرمەکان دەبنە هۆی تووشبوون بە نەخۆشی شێرپەنجە؟

ئاڤا نیوز

پزیشکان هۆشداری دەدەن لەسەر چۆنیەتی خواردنەوەی خواردنەوە گەرمەکان و مەترسییەکانی کە ڕەنگە ببنە هۆی تووشبوون بە نەخۆشی شێرپەنجە.

چیرۆکی سەرەکی: خواردنەوە گەرمەکان بەشێکی سەرەکین لەژیانی ڕۆژانەمان، وەک چا یان قاوە یاخوود هەر خواردنەوەیەکی تر  کە بەپێی حەز و ئارەزووە جیاوازەکان ئامادە دەکرێت.

ئەوەی پێویستە بیزانیت: هەر جۆرە خواردنەوەیەک پلەی گەرمییەکەی لە 65 پلەی سیلیزی زیاتر بێت ئەگەری تووشبوون بە نەخۆشی ژێرپەنجەی سورێنچک زیاد دەکات.

چارەسەرەکان: پزیشکان چەند ڕێنمایەک دەدەن لەسەر چۆنیەتی خواردنەوەی خواردنەوە گەرمەکان کە بەم شێوەیەی خوارەوەن:

- بهێلە خواردنەوەکە بۆ ماوەی پێنج خولەک سارد بێتەوە دواتر بیخۆرەوە.

- پێش ئەوەی بیخۆیتەوە، فووی لێبکە تاکەمێک سارد بێتەوە.

- هەڵپچراندنی سەری خواردنەوە گەرمە خێرا ئامادەکراوەکان تا خێراتر سارد بێتەوە.

- زیادکردنی کەمێک ئاو یان شیر بۆ ساردکردنەوەی خواردنەوەکە.

- سەرەتا بڕیکی کەمی لێبخۆرەوە بۆ زانینی ڕێژەی گەرمییەکەی.