پێشبینی بارانبارین لە هەرێمی کوردستان دەکرێت

ئاڤا نیوز

بەگوێرە پێشبینییەکانی کەشناسی؛ ئەگەری بارانبارین لە هەندێک ناوچەی هەرێمی کوردستان هەیە، چاوەڕوان دەکرێت کە پلەکانی گەرماش دابەزێت.

لێدوانی فەرمی: دیلان ڕەشاد، وتەبێژی وەزارەتی گواستنەوە و گەیاندنی حکومەتی هەرێمی کوردستان بە ئاڤا میدیای ڕاگەیاند: ئێوارەی ئەمڕۆ کاریگەریی خۆڵبارین کەمدەبێتەوە و کۆتایی دێت.

وتەبێژی وەزارەتی گواستنەوە و گەیاندن وتی: پلەکانی گەرما لە کاتەکانی بەیانیان و ئێواران تاوەکو کۆتایی ئەم هەفتەیەک کەمدەبێتەوە، تەنها لە کاتی نیوەڕۆدا دوو پلە جیاوازی هەیە.


لەلایەکی دیکەوە: شێخ دارا، پێشکەشکاری کەشوهەوا لە ئاڤا میدیا، پێشتر ڕایگەیاند: پلەکانی گەرما دوو بۆ چوار پلە دابەزیون، ئەمەش بەهۆی کاریگەری شەپۆلی باکوور لەسەر ناوچەکانی هەرێمی کوردستان، هەروەها لە ناوچە شاخاوییەکان بەتایبەت ناوچە سنوورییەکان هەور و نیمچە هەور بێت و نمە باران ببارێت.