یەکگرتوو ئەبوبەکر هەڵەدنی لە ڕیزەکانی دووردەخاتەوە

ئاڤا نیوز 

 

بەپێی زانیارییەکانی ئاڤا نیوز یەکگرتووی ئیسلامیی کوردستان، ئەبوبەکر هەڵەدنی ئەندامی پێشووی پەرلەمانی کوردستان و ئەندامی سەرکردایەتی حیزبەکەی دووردەخاتەوە.

 

بۆچی گرنگە: لەکاتێکدا ئەبوبەکر هەڵەدنی دەیویست بۆ ئەم خولەی پەرلەمانیش خۆی بەربژێر بکاتەوە، بەڵام یەکگرتوو نەک هەر بڕیاری بەربژێرکردنی نەدا، بەڵکو لە ڕیزەکانی حیزبەکەی دووریشی خستەوە.

 

هۆکارە زانراوەکان: ئەبوبەکر هەڵەدنی "دژی سیاسەتی حیزبەکە جووڵاوەتەوە و دژی حکومەتی تورکیا چەندین جار  لێدوانی داوە" ئەمە لەکاتێکدایە یەکگرتوو پەیوەندییەکی باشی لەگەڵ تورکیا هەیە و بۆیە لە حیزبەکەی دوورخراوەتەوە و بۆی نییە بەشداری هیچ چالاکییەکی سیاسی و ڕێکخستنی ئەو حیزبە بکات.

 

لەلایەکی دیکەوە: ئەبوبەکر هەڵەدنی هەوڵی داوە لە لیستەکەی عەلی حەمەساڵح خۆی بەربژێر بکات، بەڵام لەوێش وەرنەگیراوە، ئێستا نە لە یەکگرتوو و نە لە لیستی عەلی حەمەساڵح کاندید نەبووە.