ئامێری پشكنینی سی تی سکان بۆ نەخۆشخانەی گشتیی چۆمان دابین کرا

ئاڤا نیوز

ئامێرێکی سی تی سکان بۆ نەخۆشخانەی گشتیی چۆمان لە سنووری ئیدارەی سەربەخۆی سۆران دابین کرا و وەزیری تەندروستی لەوبارەیەوە دەڵێت 'ئەم ئامێرە بە 128 سڵایز دەکەوێتە خزمەتی خەڵک'.

چیرۆکی سەرەکی: ڕۆژی پێنجشەممە، بە ئامادەبوونی وەزیری تەندروستی حکومەتی هەرێمی کوردستان، ئامێری ستی سکان بۆ نەخۆشخانەی گشتیی چۆمان دابین کرا، کە بە بەرزترین کوالێتی سەردەمیانە دروست کراوە، هەروەها کارئاسانی زۆر بۆ خەڵکی دەڤەرەکە دەکات و ڕێگای شارەکانیان بۆ چارەسەر و پشکنین بۆ کورت دەکاتەوە.

لێدوانی فەرمی: د. سامان بەرزنجی، وەزیری تەندروستی حکومەتی هەرێمی کوردستان بە ئاڤا میدیای ڕاگەیاند: بە بەرزترین کوالێتی ئامێری سیتی سکان بۆ نەخۆشخانەی گشتیی چۆمان دابین کرا، ئەم ئامێرە سیستمی AI تێدایە، هەروەها بە 128 سڵایز دەکەوێتە خزمەتی خەڵکی دەڤەرەکە.

زانیاریی زیاتر: وەزیری تەندروستی گوتیشی: توانیمان بەرنامەیەکی دیکەی کابینەی نۆی حکومەتی هەرێمی کوردستان جێبەجێ بکەین، هەوڵمانداوە ڕۆتینات بۆ هاووڵاتیان کەمبکەینەوە.