فڕۆکەکانی تورکیا سنووری ئامێدی بۆردوومان دکەن

ئاڤا نیوز

 

کەمێک پێش ئێستا؛ لەلایەن فڕۆکە جەنگییەکانی تورکیاوە دوو شوێنی جیاواز لە سنووری ئامێدی بۆردوومان کران.

 

وێنە گەورەکە: بەهۆی جموجوڵ و بوونی بنکە و بارەگاکانی پەکەکەوە تورکیا بەردەوام بۆردوومانی ناوچە سنوورییەکانی هەرێمی کوردستان و بە تایبەت قەزای ئامێدی دەکات.

 

زانیاریی بەدەستهاتوو: نیهاد حسێن، پەیامنێری ئاڤا نیوز لە ئامێدی ڕایگەیاند، بۆردوومانەکە لەلایەن فڕۆکەی بێ فڕۆکەوانی تورکیاوە کراوە و هەریەک لە سنووری گوندی گوهەرز لە چیای مەتینا و گەلی دێرێ لە گوندی بلاڤە کراونەتە ئامانج.

 

زانیاریی زیاتر: بۆردوومانەکە لە نزیک باخ و شوێنی نیشتەجێبوونی هاونیشتیمانیان بووە و زەرەر و زیانەکانیش نەزانراون.

 

لێکەوتەکانی بەهۆی شەڕی تورکیا و پەکەکەوە، سەدان گوند لە سنووری ئامێدی چۆڵکراون و هەزاران هاونیشتیمانی لە د‌ێهات و باخەکانیان دابڕاون.