پشکنینی تەندروستیی بۆ سزادراوان دەکرێت

ئاڤا نیوز

هەڵمەتێکی یەک هەفتەی دەستیپێکردووە و پشکنینی تەندروستیی بۆ سەرجەم سزادراوان لە چاکساییەکان دەکرێت.

وێنە گەورەکە: لە هەرێمی کوردستان شەش بەرێوەبەرایەتیی چاکسازی لە شارەکانی هەولێر و سلێمانی و دهۆک هەن، لە هەر یەکێکیان بنکەیەکی تەندروستی هەیە، بۆ ئەوەی لە هەر بارێکی پێویست خزمەتگوزاریی تەندروستیی پێشکەش بە سزادراوان بکات.

چیرۆکی سەرەکی: هەفتەی تەندروستیی هەڵمەتێکە بەڕێوەبەرایەتیی گشتیی چاکسازیی کۆمەڵایەتی بەهەماهەنگی بەڕێوەبەرایەتیی گشتیی تەندروستیی هەولێر لە چاکسازییەکان ئەنجامی دەدات.

لێدوانی فەرمی: ئیحسان عەبدولڕەحمان بابان، بەڕێوەبەری گشتیی چاکسازیی کۆمەڵایەتی گوتی: هەڵمەتەکە بە چاودێری خاچی سووری نێودەوڵەتی بەرێوەدەچێت، ئەم هەڵمەتە لە بەڕێوەبەرایەتیی چاکسازی ژنان و منداڵانی هەولێر دەستی پێکرد لە داهاتوو هەمان هەڵمەت لە چاکسازییەکانی دیکە ئەنجام دەدرێت.

زانیاریی زیاتر: د. دلۆڤان محەممەد، بەریوەبەریی گشتیی تەندروستیی هەولێر گوتی: لەو هەڵمەتەدا پشکنین بۆ هەموو سزادراوان دەکرێت، هەر کەسێک نەخۆش بێت یان کێشەیەکی تەندروستی هەبێت بەپێی ئەنجامی پشکنینەکان چارەسەری پێویستیان بۆ دەکرێت.

زانیاریی زیاتر: لەو هەڵمەتەدا جگە لە پشکنین، ژمارەیەک ئامێریش وەک سۆنار، ئامێری پشکنینی فشاری خوێن، ئامێری پشکنینی نەخۆشی شەکرە و پێداویستیی پزیشکی و دەرمان بۆ چاکسازییەکان دابین دەکرێت.