پەرلەمانی عێراق یاسای نوێی پەروەردەی پەسەند کرد و مووچەی مامۆستایانیش زیادکرا

ئاڤا نیوز

پەرلەمانی عێراق لە کۆبوونەوەی ڕۆژی دووشەممە هەمواری یەکەمی یاسای وەزارەتی پەروەردەی پەسەند کرد، بەگوێرەی یاساکەش دەرماڵەی مامۆستایان بۆ مانگانە 300 هەزار دینار زیادکرا.

وێنە گەورەکە: لە چەند مانگی ڕابردوو مامۆستا و فەرمانبەرانی عێراق چەندین ڕۆژ خۆپیشاندانیان کرد و داوای باشترکردنی دۆخی ژیانیان دەکرد، ئەویش لەڕێگەی زیادکردنی مووچەکانیان و پێدانی زەوییەوە.

ڕاگەیێنراوی فەرمی: ڕۆژی دووشەممە، ڕاگەیاندنی پەرلەمانی عێراق بڵاویکردەوە، پەرلەمانی عێراق لە کۆبوونەوەکەیدا هەمواری یاسای وەزارەتی پەروەردە پەسەندکرد، بەگوێرەی هەمووارەکەش هەموو مامۆستایەک کە دادەمەزرێت دەبێت سێ تا پێنج ساڵ لە ناوچە دوورە دەستەکان خزمەت بکات ئەو ماوەیەش بۆ مەبەستی خانەنشینی بە دوو بەرامبەر هەژمار دەکرێت، هاوکات سەرجەم فەرمانبەرانی وەزارەتی پەروەردەش مانگانە دەرماڵەیەکیان بەبڕی 300 هەزار دینار بۆ خەرج دەکرێت.

هاوکات پەرلەمانی عێراق خوێندنەوەی یەکەمی بۆ پڕۆژەیاسای هەمواری یەکەمی یاسای دیوانی وەقفی سونی کرد، گفتوگۆشی لەسەر پڕۆژەیاسای ڕێکخستنی مافی پێکهاتەکان کرد، دواتریش دانیشتنەکە هەڵگیرا.