دابەشكردنی مووچە دەستیپێكردووە

ئاڤا نیوز 

ئەمڕۆ شەممە دابەشکردنی مووچەی فەرمانبەران دەستیپێکرد، بەڕێوەبەرایەتیی تەندروستیی هەولێر ڕایگەیاند بەهۆی پاڵەپەستۆوە بۆ وەرگرتنی مووچە ئەم مانگە پێویست بە پڕکردنەوەی چەک ناکات.

ئەوەی پێویستە بیزانیت: پێشتر وەزارەتی دارایی و ئابوری حکومەتی هەرێمی کوردستان ڕایگەیاند: ئەمڕۆ مووچەی وەزارەتی تەندروستی، خانەنشینی شارستانی، کاروباری کۆمەڵایەتی، خاوەن پێداویستی تایبەت، وەزارەتی دارایی و ئابووری و وەزارەتی ناوخۆ دابەشدەکرێت.

بڵاوکراوەی فەرمی: بەڕێوەبەرایەتیی تەندروستیی هەولێر ڕایگەیاند: لەبەر پاڵەپەستۆی زۆر لەسەر بانکەکان، بۆ مووچەوەرگرتن بۆ ئەم مانگە پێویست ناکات چەک پڕبکەنەوە، داواکارین بۆ مەبەستی مووچەوەرگرتن، سەردانی بەشی ژمێریاریی دیوانی بەڕێوەبەرایەتی بکەن.

زانیاریی زیاتر: ڕۆژانی شەممە و یەکشەممە لەبەر پاڵەپەستۆی بانک، مووچە لە بەشی ژمێریاریی بەڕێوەبەرایەتیی تەندروستیی هەولێر وەردەگیرێت. 

 

بۆچی گرنگە: ئەو ئاسانكارییەی تەندروستی هەولێر وادەكات، فەرمانبەران و مووچەخۆران ئاسانتر مووچەكانیان وەربگرن و تووشی زەحمەتی نەبنەوە.