وەزیری ناوخۆی عێراق لەبارەی کارتی نیشتیمانییەوە بڕیاریدا

ئاڤا نیوز

وەزیری ناوخۆی عێراق ڕایگه‌یاند، لەسبەیه‌وه‌ بەڵگەنامە كۆنەكانی هاووڵاتییان كاریان پێناكرێت و تا ئێستاش زیاتر له‌ حه‌وت ملیۆن عێراقی كارتی نیشتمانییان بۆ چاپ نەکراوە.

لێدوانی فه‌رمی: لەسەرەتای مانگی نیسانەوە، بەڵگەنامە كۆنەكان لە عێراق كاری پێناكرێت، زیاتر لە 36 ملیۆن هاوڵاتی كارتی نیشتمانییان بۆ دەرهێنراوە.  عەبدولئەمیر شەممەری، وەزیری ناوخۆی عێراق وای گوت.

بۆچی گرنگه‌: بڕیار وایه‌ لە ئایندەدا كارتی نیشتمانی لە بری كارتی دەنگدان بۆ هه‌ڵبژاردنه‌كانی عێراق بەكاربهێنرێت، بەهۆی كارته‌كەوه‌ عێراق بووەتە خاوەنی داتایەكی دەوڵەمەند.

زانیاریی زیاتر: بەپێی خەمڵاندنی وەزارەتی پلاندانانی عێراق، هەرێمی کوردستان 14%ی دانیشتووانی عێراق پێکدەهێنێت، ژمارەی دانیشتووانی عێراق هەر بەپێی دوایین ئاماری وەزارەتەکە، گەیشتووەتە زیاتره‌ له‌ 43 ملیۆن و 324 كه‌س.

ژماره‌كان واده‌ڵێن:  زیاتر لە 36 ملیۆن هاووڵاتی لەسەرانسەری عێراق لە سیستەمی كارتی نیشتمانییدا تۆماركراون. هاوكات زیاتر له‌ حه‌وت ملیۆن عێراقی  كارتی نیشتمانییان بۆ چاپ نەكراوە.