عێراق پەنابەرانی سووری دەستگیر دەكات و دیپۆرتیان دەكاتەوە

ئاڤا نیوز

هێزە ئەمنییەكانی عێراق 10 گەنجی سوورییان دەستگیر كردووە و بەزۆر بۆ سووریا دیپۆرتیان كردوونەتەوە، ژمارەیەكی تریش ئاگادار كراونەتەوە كە لە ڕێگەی فڕۆكەخانەی بەغداوە ڕەوانەی ولاتەكەیان دەكرێنەوە.

ئەوەی لەوبارەیەوە دەگوترێت: چالاكوانانی سووری داوا لە حكومەتی عێراق دەكەن ئەو هەڵمەتەیان ڕابگرن، چونكە پەنابەرە سوورییەكان لە بەشی كاروباری پەنابەرانی نەتەوەیەكگرتووەكان لە عێراق بە فەرمی تۆمار كراون، گەڕانەوەی ئەو خەڵكە بۆ سووریا هاوشێوەی لە سێداردانە كە ئەو خەڵكە ڕادەستی رژێمی بەشار ئەسەد دەكەن.. ڕۆژنامە عەرەبی ئەلجەدید وادەڵێت.  

ئەوەی پێویستە بیزانيت: ئێستا ژمارەیەكی بەرچاو لە گەنجانی سووری وازیان لە كارەكانیان هێناوە، لە ترسی ئەو هەڵمەتەی كە بۆ دەستگیركردنیان لە شارەكانی عێراق بەڕێوە دەچێت.

وێنە گەورەكە: ڕوانگەی سووریا ڕایگەیاندووە: دوای 13 ساڵ شەڕ، تەنیا   %63 ی خاكی سووریا لەژێر كۆنترۆڵی ڕژێمی سووریا دایە، تا ئێستا نزیكەی 508 هەزار كەس لە سەرەتای شەڕی سووریاوە كوژراون.