وەزارەتی دارایی گوژمەی دووەمی مووچەی مانگی شەشی بۆ هەرێمی کوردستان نارد

ئاڤا نیوز

وەزارەتی دارایی عێراق گوژمەی دووەمی مووچەی مووچەخۆرانی بۆ مانگی شەش خەرجکرد و سبەی دەست بە دابەشکردنی مووچە دەکرێت، لەماوەی سێ ڕۆژدا سەرجەم مووچەخۆران مووچە وەردەگرن.

چیرۆکی سەرەکی: ڕۆژی یەکشەممە، وەزارەتی دارایی عێراق بڕی 690 ملیار دیناری وەک گوژمەی یەکەم بۆ مووچەی مانگی شەشی مووچەخۆرانی هەرێمی کوردستان نارد، ئەمڕۆش بڕی 390 ملیار و 429 ملیۆن دیناری دیکەی خەرج کرد. 

ڕاگەیێنراوی فەرمی: بەگوێرەی ڕاگەیێنراوی   وەزارەتی دارایی و ئابووریی هەرێمی کوردستان: وەزارەتی دارایی عێراق گوژمەی دووەمی مووچەی مانگی شەش خراوەتە سەر هەژماری بانکی و بڕەکەی 390 ملیار و 429 ملیۆن دینارە، کۆی گشتیی یەک تریلیۆن و  حەوت ملیار و 352 ملیۆن دینار بۆ مووچەی مانگی شەش خراوەتە سەر هەژماری بانکی وەزارەتی دارایی هەرێمی کوردستان.

 

ئەمەش بزانە: وەزارەتی دارایی خشتەی مووچەی مانگی شەش بڵادەکاتەوە و لە سبەی سێشەممە دەست بەدابەشکردنی مووچە دەکرێت، لەماوەی سێ ڕۆژدا سەرجەم مووچەخۆران مووچە وەردەگرن.