حکومەتی عێراق: بۆ ئەمساڵ مووچە گەرەنتی کراوە

ئاڤا نیوز

گوتەبێژی حکومەتی عێراق ڕایدەگەیێنێت، لە ماوەی دوو هەفتەدا خشتەکانی بودجە پەسەند دەکرێن،  جەختیش دەکاتەوە مووچە بەتەواوی گەرەنتی کراوە.

ڕاگەیێنراوی فەرمی: باسم عەوادی، گوتەبێژی حکومەتی عێراق لە ڕاگەیێنراوێکدا ڕوونی کردەوە، ئەنجوومەنی وەزیران لە ماوەی دوو هەفتەدا خشتەکانی بودجە بۆ ساڵی 2024 پەسەند دەکات.

زانیاریی زیاتر:  لە ڕاگەیێنراوەکەدا جەخت کراوەتەوە، بۆ ئەمساڵ مووچە بەتەواوی گەرەنتی کراوە و گوژمەکەی 69 ترلیۆن دینارە.

ئەمەش بزانە: بڕیارە سبەی یەکشەممە وەزارەتی دارایی عێراق دەست بە دابینکردنی بودجە بۆ پارێزگاکان بکات.

لەلایەکی دیکەوە: گوتەبێژی حکومەتی عێراق باسی لەوە کردووە، پەیوەندییەکانیان لەگەڵ وەزارەتی گەنجینەی ئەمەریکا بەردەوامن و بڕیارە هەفتەی داهاتوو چوارەمین کۆبوونەوەی لیژنەی عێراقی-ئەمریکی بکرێت.

بۆچی گرنگە: لە بودجەی عێراق پشکی هەرێمی کوردستان بە 12.67% دیاری کراوە و بڕیارە لەو چوارچێوەیەشدا مووچەی مووچەخۆرانی هەرێمی کوردستان بنێردرێت.