لیستی مووچەی مانگەکانی 8 و 9 بەیەکەوە ئامادە دەکرێت

ئاڤا نیوز

وەزارەتی دارایی و ئابووری هەرێمی کوردستان ئامادەکاری دەکات، بۆ ئەوەی تاوەکو ناوەڕاستی ئەم مانگە لیستی مووچەی مانگەکانی 8 و 9 ئامادەبکرێت و ڕەوانەی بەغدا دەکرێت.

وێنە گەورەکە: دوای دوو مانگ لە دواکەوتنی دوێنێ تەواوی پارەی مانگی شەشی مووچەخۆرانی هەرێمی کوردستان خرایە سەر هەژماری بانکی وەزارەتی دارایی و ئابووری هەرێمی کوردستان، لەلایەکی دیکەوە بڕیارە دوو شاندی هەرێمی کوردستان ئەم هەفتەیە بچن بۆ بەغدا و دانوستاندن لەسەر داهاتی نانەوتی بکرێت و هەناردەکردنەوەی نەوت بکەن.

زانیاریی تایبەت: سەرچاوەیەک لە وەزارەتی دارایی و ئابووری هەرێمی کوردستان بە ئاڤای گوت، "لە وەزارەتی دارایی عێراق وردبینی لە لیستی مووچەی مانگی حەوت تەواو بووە، هی مانگی هەشت لە قۆناغەکانی کۆتاییدایە، تاوەکو ناوەڕاستی ئەم مانگەی هی مانگی نۆش ئامادەدەکرێت و دەنێردرێت بۆ بەغدا."

ئەمەش بزانە: بڕیارە ڕۆژی پێنجشەممە شاندەکانی نێوان هەولێر و بەغدا کۆببنەوە، چارەنووسی مووچەی مانگەکانی حەوت و هەشت و مانگەکانی دواتر گرێدراوە بەم دوو کۆبوونەوەیە. 

باکگراوند: لە ڕۆژی 3-8-2025ـەوە لیستی مووچەی مانگی حەوت ڕادەستی فەرمانگەی ژمێریاری وەزارەتی دارایی فیدڕاڵی کراوە.