ڕوونکردنەوەیەکی خێرا لەبارەی دابەشکردنی مووچە

ئاڤا نیوز

 

بەڕێوبەرایەتیی گشتیی بانکە بازرگانییەکان ئاماژە بەوەدەدات، سەرەڕای ئەوەی سبەی پشووی فەرمییە، بەڵام دابەشکردنی مووچەی مانگی شەش بەردەوام دەبێت.

 

وێنە گەورەکە: بەپێی ساڵنامەی فەرمیی حکومەتی هەرێمی کوردستان، سبەی پێنجشەممە، لە تەواوی هەرێمی کوردستان، بەبۆنەی یادی لەدایکبوونی محەممەد، پێغەمبەری ئیسلام (د. خ)، پشووی فەرمییە، لە کاتێکدا بەپێی خشتەی دابەشکردنی مووچە، ژمارەیەک وەزارەت مووچە وەردەگرن.

 

ڕاگەیێنراوی فەرمی: بەگوێرەی ڕاگەیێنراوی فەرمی وەزارەتی دارایی، بەڕێوەبەرایەتی گشتیی بانکە بازرگانییەکان ئاگاداری بانکەکانی کردووەتەوە، کە سبەی سەرەڕای پشوو دابەشکردنی مووچەی مانگی شەش بەردەوام دەبێت، مووچەخۆران دەتوانن مووچەکانیان وەربگرن.

 

ئەوەی پێویستە بیزانیت: بەپێی خشتەی دابەشکردنی مووچەی مانگی شەش، سبەی پێنجشەممە مووچەی وەزارەتەکانی کار و کاروباری کۆمەڵایەتی، کارەبا، ئەوقاف، خوێندنی باڵا، سەرۆکایەتیی پەرلەمان، سەرۆکایەتیی ئەنجوومەنی وەزیران، سەرۆکایەتیی هەرێم، پێشمەرگە (دیوان، لیواکان)، پۆلیسی نەوت، یەکەی 70 و 80، ئەنجوومەنی ئاسایش، زێرەڤانی و بەرگری و فریاکەوتن مووچە وەردەگرن.