پرۆسەی دەنگدان لە باکووری کوردستان و تورکیا درێژنەکرایەوە

ئاڤا نیوز

 

پڕۆسەی دەنگدان لە 32 پارێزگای بەشی رۆژهەڵات و باشووری ڕۆژهەڵاتی تورکیا کە بەشێک لە شارەکانی باکووری کوردستانیش دەگرێتەوە، کۆتاییهات و کاتەکەی درێژ ناکرێتەوە.

 

وێنە گەورەکە: لە کاتژمێر حەوتی بەیانییەوە لە 81 پارێزگای باکووری کوردستان و تورکیا سندووقەکانی دەنگدان بۆ هەڵبژاردنی شارەوانییەکان بەڕووی زیاتر لە 61 ملیۆن دەنگدەر کرانەوە؛ لەو شارانەشی دەنگدان لە کاتژمێر هەشتی بەیانییەوە دەستیپێکردووە تاوەکو کاتژمێر پێنج بەردەوام دەبێت. 

 

لێدوانی فەرمی: ئەحمەد یەنار، سەرۆکی ئەنجوومەنی باڵای هەڵبژاردنەکانی تورکیا ڕایگەیاند: "لە 32 پارێزگا بنکەکانی دەنگدان بە ڕووی دەنگدەران داخران و کاتەکەی درێژ ناکرێتەوە".

 

ئەمەش بزانە: بە بڕیاری کۆمسیۆن، پارتە سیاسییەکان تاوەکو کاتژمێر حەوتی ئێوارە بۆیان نییە هیچ بڵاوکراوەیەکی پەیوەست بە لێکدانەوە و پێشبینی ئەنجامەکان بڵاوبکەنەوە.

 

باکگراوند: ئەمڕۆ یەکشەممە بە بەشداری زیاتر لە 61 ملیۆن دەنگدەر، هەڵبژاردنی شارەوانییەکان لە باکووری کوردستان و تورکیا بەڕێوەچوو کە تێیدا 34 پارتی سیاسی کێبڕکێی بەدەستهێنانی دەنگەکان دەکەن.