بەهۆی کۆنیان کۆگاکانی خۆراکی دهۆک مەترسی لەسەر تەندروستی هاوڵاتیان دروست دەکەن

ئاڤا نیوز

لەکاتێکدا بەڕێوەبەرایەتی بازرگانی دهۆک دان بە کۆنبوونی کۆگاکانی هەڵگرتنی خۆراکدا دەنێت و دەڵێت حکومەتی عێراق وەڵامی داواکارییەکانیان بۆ نۆژەنکردنەوە ناداتەوە، کارمەندێک باس لە خراپی دۆخی کۆگاکان و نەبوونی کەشێکی لەبار بۆ هەڵگرتنی خۆراک و کارکردن تێیدا دەکات.

ببینە و ببیستە: بە پێی بەدواداچوونێکی ئاڤا، لەناو کۆگاکاندا مشک و جرج بەناو نیسک و نۆک و برنجدا دەسووڕێنەوە. ئەمەش مەترسییەکی گەورە لەسەر سەلامەتی و تەندروستی خۆراکی هاوڵاتیان دروست دەکات.

لێدوانی فەرمی: ئەکرەم تاهیر، یەکێک لە کارمەندانی کۆگاکان، بە ئاڤای وت، "کۆگاکان زۆر گەرمن، هیچ شتێکیان تێدا نییە، نە ساردکەرەوە، نە پانکە و نە سپلیت، هەفتەی دوو ڕۆژ نەخۆش دەکەوم لەبەر گەرما و بۆنی ناو کۆگاکان"

بۆچوونی لایەنی بەرامبەر: هاجەر تاهیر، بەڕێوەبەری بازرگانی دهۆک، پشتڕاستی دۆخەکەی کردەوە و بە ئاڤای وت: "کۆگاکانمان زۆر کۆنن و لە ساڵانی حەفتاکاندا دروستکراون. حکومەتی عێراقیش نۆژەنیان ناکاتەوە. چەندین جار داوامان لێکردوون، بەڵام وەڵامیان نەداوینەتەوە".