لە عێراق زیاتر لە نیو ملیۆن سواڵکەر هەن

ئاڤا نیوز

 

ڕۆژانە ژمارەی سواڵکەرە بیانی و عێراقییەکان لە شارەکانی عێراق زیاد دەبن؛ ئێستا زیاتر لە نیو ملیۆن کەسن و زۆرینەشیان ژن و منداڵن.

 

لێدوانی فەرمی: فازڵ غەڕاوی، سەرۆکی سەنتەری ستراتیژی بۆ مافەکانی مرۆڤ لە عێراق ڕایگەیاند: "ئەو هاوڵاتییە بیانیانەی لە شارەکانی عێراق سواڵ دەکەن، مافیاکانی تاوانی ڕێکخراویان لە پشتە، مەترسیدارترین شێوازی بازرگانیکردن بە مرۆڤیشە".

 

چی ڕوودەدات؟ ئەو گرووپە مافیایانە، خەڵکی بیانی بە ناوی کرێکارەوە دەهێننە عێراق و دواتریش سواڵیان پێدەکەن؛ زۆرینەی سواڵکەرە بیانیەکان خەڵکی بەنگلادیشن، لە وڵاتە عەرەبییەکانیشەوە دێن و زۆرینەشیان سوورین.

 

ئەوەی پێویستە بیزانیت: وەزارەتی ناوخۆی عێراق ساڵی ڕابردوو تاوەکو ئیستا زیاتر لە 10 هەزار سواڵکەری گەڕاندووەتەوە بۆ وڵاتەکانی خۆیان، بە هەزارانیش هێشتا لە عێراق ماون و سواڵ دەکەن.