ئیسرائیل باڵیۆزخانەی ئێرانی لە دیمەشق بۆردوومانكرد

ئاڤا نیوز

 

ئیسرائیل باڵیۆزخانەی ئێرانی لە سووریا بۆردوومانکرد، محەممەد ڕەزا زاهیدی یەکێک لە سەرکردەکانی فەیلەقی قودسی سوپای پاسداران و حەوت كەسی دیكە لە هێرشەکەدا کوژراون.

 

ئەوەی پێویستە بیزانیت: ئاژانسی هەواڵی عەرەبی سووریا لە زاری سەرچاوەیەکی سەربازییەوە ڕایگەیاند: "کاتژمێر پێنجی ئێوارەی ئەمڕۆ، سووپای ئیسرائیل هێرشێکی ئاسمانییان لە جۆلانی سوریاوە دەستپێکرد و باڵەخانەی کونسوڵخانەی ئێرانی لە دیمەشق کردە ئامانج".

 

زانیاریی زیاتر: محەممەد ڕەزا بەرپرسی دۆسیەی سووریا و لوبنان بوو لە فەیلەقی قودس، جگە لەو فەرماندەیە حەوت کەسی دیکەش کوژراون كە ژمارەیەكیان ڕاوێژكار بوون لە باڵیۆزخانەكە.

 

لەلایەکی دیکەوە: ئاژانسی هەواڵی تەسنیمی ئێران هەواڵی کوژرانی رەزایی پشتراستکردەوە و ڕایگەیاند: محەمەد ڕەزا زاهیدی، فەرماندەی باڵای سوپای پاسداران بەرپرسیار لە ئۆپەراسیۆنەکانی سوپای پاسداران لە سووریا و لوبنان، لە هێرشێکی ئیسرائیلدا لە دیمەشق کوژراوە.