دارا سێکانیانی: بەغدا مووچە وەک کارتی فشار بەکاردەهێنێت

ئاڤا نیوز

ئەندامێکی لیژنەی یاسایی لە پەرلەمانی عێراق دەڵێت، بەغدا مووچە وەک کارتی فشار بەکاردەهێنێت، بەغدا هیچ نیازێکی بۆ چارەسەرکردنی کێشەکانی لەگەڵ هەولێر نییە، جەخت لەوەش دەکاتەوە کە ئەنجوومەنی دەوڵەت ناتوانێت کێشەکان یەکلایی بکاتەوە.

لێدوانی فەرمی: دارا سێکانیانی، ئەندامی لیژنەی یاسایی لە پەرلەمانی عێراق لە گەشتی کاتژمێر 12:00 ـی ئاڤا بەشداریکرد و وتی، "ئەنجوومەنی دەوڵەت ئەرکی ڕاوێژکارییە و تەنیا دەتوانێت بۆچوون لەسەر پرسەکە لەڕووی یاساییەوە بخاتەڕوو، توانای بڕیاردان و یەکلایی کردنەوەی پرسەکەی نییە."

لەلایەکی دیکەوە: ئەمڕۆ ئەنجوومەنی دەوڵەت لەسەر ڕاسپاردەکانی ئەنجومەنی وەزیرانی عێراق لەبارەی داهاتی نانەوتی بڕیار بدات، بەڵام هیچ بڕیارێک نەدرا. کۆبوونەوەکە هەڵگیرا و بڕیارە دەستەی گشتی ئەنجومەنەکە کۆببێتەوە.