نۆرینگەیەکی ددان و دوو سەنتەری جوانکاری لە سۆران داخران

ئاڤا نیوز

 

لیژنە هاوبەشەکانی قایمقامیەت و تەندروستیی سۆران بەهۆی نەبوونی مۆڵەت و پابەند نەبوون بە ڕێنماییەکان دوو سەنتەری جوانکاری و نورینگەیەکی ددانیان لە سۆران و ڕواندز داخست.

 

لێدوانی فەرمی: دکتۆر کامەران بارزانی، بەڕێوەبەری گشتیی تەندروستیی سۆران ڕایگەیاند، لیژنەی پشكنین و بەدواداچوون لە بەڕێوەبەرایەتیی گشــــــتیی تەندروسـتیی سۆران بە هاوبەشی لەگەل قایمەقامیەتی قەزای ناوەندیی سۆران، بەڕێوەبەرایەتیی KMCA، ئاسایشی سۆران و نوێنەری داواکاری گشتی سەردانی قەزای ناوەندیی سۆران و قەزای ڕواندز کرد و چەند شوێنێکی تەندروستیان داخست .

 

هۆکارە زانراوەکان: د. کامەران بارزانی دەڵێت، لە ئەنجامی گەڕان و پشکنینی لیژنەکان، لەبەرنەبوونی مۆڵەت سەنتەری جوانکاریی ئیستەنبووڵ لە سۆران و هەروەها سەنتەری جوانکاریی میر لە ڕواندز داخران،

 

هاوکات؛ لە سۆرانیش بەهۆی هەبوونی ماددەی ماوەبەسەرچوو و پابەند نەبوونی بە پاک و خاوێنی و نەبوونی مۆڵەت نورینگەی پزیشکیی ددانی (ژیا) لە سۆران داخرا .