سوپای پاسداران: لە هێرشی دیمەشقدا حەوت ئەفسەر شەهید بوون

ئاڤا نیوز 

سوپای پاسدارانی ئێران، هەواڵی کوژرانی حەوت ئەفسەری ناو باڵیۆزخانەی ئێرانی لە دیمەشقی پایتەختی سووریا پشتڕاستكردەوە.

ڕاگەیێنراوی فەرمی: سوپای پاسدارانی ئێران ڕایگەیاند: داگیرکەرانی ئیسرائیل تاوانێکیان لە دیمەشق ئەنجامدا، کە بووەهۆی  شەهیدبوونی فەریق محەممەد ڕەزا زاهیدی، فەریق محەممەد هادی حاجی ڕەحیمی و پێنج لەو ئەفسەرانەی کە یاوەری بوون".

زانیاریی زیاتر: " ئەم تاوانەی زایۆنییەکان دوای شکستی ئەو هەوڵانە دێت لە بەرامبەر خەباتکارانی بەرخۆدانی فەڵەستین و بەرەی خۆڕاگری ئیسلامی لە ناوچەکەدا تووشیان بووە".

باکگراوند: کاتژمێر پێنجی ئێوارەی ئەمڕۆ، فڕۆکەکانی ئیسرائیل باڵیۆزخانەی ئێرانیان لە سووریا بۆردوومانکرد ، محەممەد ڕەزا زاهیدی، یەکێک لە سەرکردەکانی فەیلەقی قودسی سوپای پاسداران و حەوت سەرکردە و ڕاوێژکاری دیکەی ئێرانییان کوشت.