مووچەی مامۆستایانی وانەبێژ دابەش دەکرێت

ئاڤا نیوز

 

وەزارەتی دارایی و ئابووری بەڕێوەبەرایەتییەکانی پەروەردە ئاگادار دەکاتەوە تاوەکو بۆ وەرگرتنی چەکی بانکی مووچەی مامۆستایانی وانەبێژ سەردانیان بکەن. 

 

لێدوانی فەرمی: بڕیاری خەرجکردنی مووچەی وانەبێژانی هەرێمی کوردستان، بۆ مانگی 12ـی ساڵی ڕابردوو دراوە، ئێستا هەموو پەروەردەکانمان ئاگادار کردووتەوە، كە بۆ وەرگرتنی چەکی بانکی سەردانمان بکەن و دەست بە پێدانی چەكەكان كراوە. محه‌ممه‌د عه‌بدولقادر، به‌ڕێوه‌به‌ری گشتیی ژمێركاری لە وه‌زاره‌تی دارایی هه‌رێمی كوردستان بە ئاڤا نیوزی گوت.

 

ئەوەی پێویستە بیزانیت: بەپێی ڕێنمایی و بڕیاری ژمارە 14ـی دارایی، ئەو مامۆستا وانەبێژانەی هەڵگری بڕوانامەی دبلۆمن، 350 هەزار دیناریان بۆ خەرج دەکرێت و بۆ هەڵگرانی بڕوانامەی بەکالۆریۆسیش 400 هەزار دینار خەرج دەکرێت.

 

ژمارەکان وادەڵێن: ژمارەی مامۆستایانی وانەبێژ لە هەرێمی کوردستان 36 هەزار مامۆستایە و مووچەی مانگانەیان نزیکەی 14 ملیار دینارە.